राष्ट्रिय युवा संघ नेपाल, गण्डकी प्रदेश कमिटी तथा मातहतका सम्पूर्ण कमिटीका कमरेडहरूमा हार्दिक अभिवादन !
राष्ट्रिय युवा संघ नेपाल नेपाली युवाको आशा, आकांक्षा, अधिकार र समृद्ध भविष्यका लागि निरन्तर संघर्षरत नेपालको अग्रणी युवा संगठन हो। गण्डकी प्रदेशको ऐतिहासिक, राजनीतिक, सामाजिक, सांस्कृतिक तथा पर्यटकीय महत्वलाई आत्मसात् गर्दै संगठनलाई अझ सुदृढ, गतिशील, प्रविधिमैत्री र जनमुखी बनाउने जिम्मेवारी आज हाम्रो काँधमा आएको छ।
आज विश्व तीव्र गतिमा परिवर्तन भइरहेको छ। कृत्रिम बुद्धिमत्ता (AI), डिजिटल प्रविधि, स्वचालन, रोबोटिक्स, बिग डाटा, सामाजिक सञ्जाल र नयाँ डिजिटल अर्थतन्त्रले राजनीति, शिक्षा, उध्यमशिलता, रोजगारी, उत्पादन र समाजको स्वरूप नै परिवर्तन गरिरहेको छ। यस्तो परिवर्तनको युगमा युवा संगठन यथास्थिति सोच र पुरानो कार्यशैलीमा सीमित रहन सक्दैन। हामीले विचारमा नवीनता, संगठनमा प्रविधि र नेतृत्वमा दूरदृष्टि विकास गर्नुपर्छ।
बदलिँदो AI युगमा हाम्रो प्राथमिकता
१. AI र डिजिटल साक्षरता
* प्रत्येक युवालाई AI तथा डिजिटल प्रविधिको आधारभूत ज्ञान र सीपसँग जोड्ने।
* संगठनभित्र Digital Literacy र AI Literacy अभियान सञ्चालन गर्ने।
२. डिजिटल संगठन निर्माण
* वडा तहसम्म संगठनको डिजिटल नेटवर्क विस्तार गर्ने।
* सदस्यता, अभिलेख, प्रशिक्षण, सूचना प्रवाह तथा अभियानलाई डिजिटल प्रणालीसँग जोड्ने।
* सामाजिक सञ्जाललाई प्रचारको माध्यम मात्र नभई जनतासँग प्रत्यक्ष संवाद गर्ने माध्यम बनाउने।
३. नयाँ पुस्ताको नयाँ नेतृत्व
* युवालाई कार्यक्रममा सहभागी गराएर मात्र हुन्न, नीति निर्माण र नेतृत्वको केन्द्रमा अर्थपूर्ण सहभागीता गर्ने।
* AI, विज्ञान, प्रविधि, अर्थतन्त्र, उद्यमशीलता, वातावरण, अन्तर्राष्ट्रिय सम्बन्धलगायत नयाँ क्षेत्रमा दक्ष युवा नेतृत्व विकास गर्ने।
* महिलासहित सबै समुदाय र क्षेत्रका प्रतिभाशाली युवालाई नेतृत्वमा अवसर दिने।
४. शिक्षा, सीप र रोजगारी
* परम्परागत शैक्षिक डिग्रीसँगै Skill, Technology र Innovation मा जोड दिने।
* युवालाई रोजगारी खोज्ने मात्र होइन, रोजगारी सिर्जना गर्ने उद्यमी बनाउने।
* Freelancing, Remote Work, Digital Entrepreneurship तथा Global Digital Market का अवसरसँग नेपाली युवालाई जोड्ने।
५. Brain Drain बाट Brain Circulation
* विदेश पलायनलाई केवल समस्या भनेर हेर्ने होइन, विश्वभर फैलिएको नेपाली युवा शक्तिलाई नेपालको विकाससँग जोड्ने।
* प्रवासी नेपाली युवाको ज्ञान, पूँजी, प्रविधि र अन्तर्राष्ट्रिय नेटवर्क नेपालमा भित्र्याउने अभियान चलाउने।
६. उत्पादन र उद्यमशीलता
* राजनीतिक सक्रियतालाई उत्पादन र उद्यमसँग जोड्ने।
* कृषि, पर्यटन, IT, ऊर्जा, डिजिटल सेवा, स्टार्टअप तथा सिर्जनात्मक उद्योगमा युवाको सहभागिता बढाउने।
* “युवा परिचालनबाट उत्पादन, उत्पादनबाट आत्मनिर्भरता” को अभियान अघि बढाउने।
७. AI युगमा वैचारिक स्पष्टता
* प्रविधि बदलिँदैमा हाम्रो मूल उद्देश्य र जनपक्षीय दृष्टिकोण कमजोर हुनु हुँदैन।
* AI र डिजिटल प्रविधिको प्रयोग मानव हित, सामाजिक न्याय, समान अवसर र राष्ट्र निर्माणका लागि गर्नुपर्छ।
* प्रविधिमाथि केही सीमित शक्तिको नियन्त्रण होइन, प्रविधिमा युवाको समान पहुँच सुनिश्चित गर्ने नीति आवश्यक छ।
८. डिजिटल नैतिकता र साइबर सुरक्षा
* Fake News, Deepfake, misinformation, cyber fraud र डिजिटल दुरुपयोगविरुद्ध युवालाई सचेत बनाउने।
* सामाजिक सञ्जालको जिम्मेवार र मर्यादित प्रयोगको संस्कार विकास गर्ने।
* डिजिटल लोकतन्त्रमा तथ्य, तर्क र सत्यलाई स्थापित गर्ने अभियान सञ्चालन गर्ने।
९. नीति निर्माणमा डेटा र प्रमाण
* भावनामा मात्र होइन, Data, Research र Evidence-based Policy मा आधारित युवा आन्दोलन निर्माण गर्ने।
* युवाका समस्या पहिचान गर्न नियमित सर्वेक्षण, अनुसन्धान र डिजिटल feedback प्रणाली विकास गर्ने।
१०. गण्डकीबाट डिजिटल युवा जागरण
* गण्डकीलाई पर्यटनको मात्र होइन, Innovation, Technology, Startup र Digital Entrepreneurship को केन्द्र बनाउने अभियानमा राष्ट्रिय युवा संघले नेतृत्व लिनुपर्छ।
* पोखरासहित गण्डकीका सबै जिल्लाका युवालाई राष्ट्रिय तथा अन्तर्राष्ट्रिय डिजिटल अवसरसँग जोड्नुपर्छ।
* हिमाल, पहाड र ग्रामीण क्षेत्रका युवासम्म डिजिटल अवसर पुर्याउन विशेष अभियान सञ्चालन गर्नुपर्छ।
हाम्रो राजनीतिक र संगठनात्मक संकल्प
आज हाम्रो गौरवशाली पार्टी नेकपा (एमाले) र समग्र नेपाली कम्युनिष्ट आन्दोलन महत्वपूर्ण मोडमा छ। जनताको लामो संघर्षबाट प्राप्त उपलब्धिको रक्षा गर्दै समाजवादको लक्ष्यतर्फ अघि बढ्न वैचारिक स्पष्टता, संगठनात्मक एकता, जनतासँगको जीवन्त सम्बन्ध, सुशासन, उत्पादन, प्रविधि र युवा पुस्ताको सार्थक सहभागिता अपरिहार्य छ।
राष्ट्रिय युवा संघ नेपालको भूमिका केवल युवा परिचालन गर्ने संगठनमा सीमित रहनु हुँदैन। यो नयाँ पुस्ताको वैचारिक नेतृत्व निर्माण गर्ने, प्रविधिमैत्री संगठन निर्माण गर्ने, युवालाई उत्पादन र उद्यमशीलतामा जोड्ने तथा राष्ट्र निर्माणमा युवा नेतृत्व स्थापित गर्ने शक्तिका रूपमा अघि बढ्नुपर्छ।
हामीले युवालाई केवल राजनीतिक कार्यक्रमका सहभागी होइन, नीति निर्माता, उद्यमी, वैज्ञानिक, प्राविधिक, नवप्रवर्तक, सामाजिक अभियन्ता र राष्ट्र निर्माणका निर्णायक शक्तिका रूपमा स्थापित गर्नुपर्छ।
युवामा बढिरहेको राजनीतिक वितृष्णा, बेरोजगारी, विदेश पलायन र अवसरको अभावलाई केवल भाषणबाट होइन, ठोस नीति, सीप, रोजगारी, उद्यम र प्रविधिको अवसरमार्फत सम्बोधन गर्नुपर्छ।
कमरेडहरू,
कम्युनिष्ट आन्दोलनलाई बलियो बनाउन युवा संगठन बलियो हुनुपर्छ।युवा संगठनलाई बलियो बनाउन युवाको विश्वास जित्नुपर्छ।युवाको विश्वास जित्न उनीहरूको भविष्यको नेतृत्व गर्नुपर्छ।र भविष्यको नेतृत्व गर्न आजै AI, प्रविधि, ज्ञान र नवप्रवर्तनको नेतृत्व गर्नुपर्छ।
हामी चुनौतीसँग डराउने होइनौँ, चुनौतीलाई अवसरमा बदल्ने युवा शक्ति हौँ।
हामी निराशा फैलाउने होइनौँ, आशा, सम्भावना र परिवर्तनको नेतृत्व गर्ने पुस्ता हौँ।
हामी केवल परिवर्तनको कुरा गर्ने होइनौँ, परिवर्तनलाई व्यवहारमा उतार्ने शक्ति हौँ।
गण्डकीबाट उठेको युवा जागरणको आवाज डिजिटल नेपाल हुँदै देशभर फैलियोस्।
राष्ट्रिय युवा संघ नेपाल अझ बलियो, अनुशासित, गतिशील, प्रविधिमैत्री र जनमुखी संगठनका रूपमा स्थापित होस्।
नेपाली कम्युनिष्ट आन्दोलनमा नयाँ पुस्ताको नेतृत्वकारी भूमिका स्थापित होस्।
युवा शक्ति, प्रविधि र उत्पादनको संयोजनबाट समृद्ध नेपाल निर्माणको अभियान अझ सशक्त बनोस्।
अबको युवा आन्दोलन
विचारमा आधुनिक, संगठन निर्माणमा दृढ !
संगठनमा अनुशासित, प्रविधिमा सक्षम !
राजनीतिमा जिम्मेवार, व्यवहारमा जनमुखी !
AI र प्रविधिमा दक्ष, उद्यममा अग्रणी !
डिजिटल युगमा नेतृत्वदायी, युवा परिचालनमा गतिशील !
उत्पादनमा सक्रिय, राष्ट्र निर्माणमा समर्पित !
राष्ट्रिय युवा संघ नेपाल, गण्डकी प्रदेशका सम्पूर्ण कमरेडहरूमा संगठन निर्माण, युवा परिचालन, प्रविधिमैत्री नयाँ नेतृत्व विकास तथा नेपाली कम्युनिष्ट आन्दोलनलाई थप सुदृढ बनाउने अभियानको सफलताको लागि हार्दिक शुभकामना !
क्रान्तिकारी अभिवादनसहित,
क्षितिज थेवे
नेकपा (एमाले) केन्द्रीय सदस्य तथा
इन्चार्ज, राष्ट्रिय युवा संघ नेपाल
